近年都興紙膠帶,除左靚之外,其實仲有咩用途,等我今日介紹下。
其實紙膠帶可以用到落好多地方,通常都係裝飾或者美化原本物品用,今次就講其中幾樣。
1. 用唔同紙膠帶去美化時鐘。
2. 做保護電腦的包膠
3. KEYBOARD都可以整到呢個樣式。
4. 手機殼當然都可以啦
5. 掛衫用木夾都可以將佢重新包裝。
想睇唔同款可以繼續去呢度睇。
如有任何疑問可電郵:chiukit2001@gmail.com或ＰＭ我
2016年7月24日 星期日
行山X野餐X城門水塘
夏日炎炎,剩係行山又好熱,放假做咩好?緊係唔會叫你38度行鳳凰山,其實輕輕鬆鬆行城門水塘就岩岩好。
準備好晒所有食物同飲料之後就可以去82小巴站,荃灣(兆和街)。
其實落左車之後兩邊都可以行,因為城門水塘係一個圈黎,當然唔想行咁多可以向後邊呢條樓梯上去會舒服D。
D梯級其實一路上都唔算斜,而且有好多樹蔭,唔會比個太陽射正。
行左一陣就接上車路,轉右向下行就得啦。
跟住會見到有條開明之路森林深處。
行多5分鐘就見到有個窿窿,入到去就見到世外桃園。
呢道好似拍古裝比人追到走頭無路就會追到呢度。
四邊都可以睇到成個塘景。
再走落去,左邊係去大埔,右邊繼續遊城門。
沿途經過好多燒烤場,可以當休息地方。
行到去12號場,見到有人拍古裝戲,不過就無發哥。如果有時間,就係右邊條小樓梯落去。
出面又有靚景睇。
決定係度休息陣,就鋪墊坐啦! 唔想咁曬就係樹林中間坐。
一張墊+一個野餐籃+一張坐墊就已經好舒服。
張坐墊純係比我呢個廢人向後"挨'。
係度最岩播咩歌?
心急人上?
城邦會戰勝歸來?
廢鐵是怎樣煉成的?
我最後選左播:
綠袖子。
如果玩完仲有力氣可以沿住行一圈,如果無就可以沿路行番去搭車走。沿途有樹蔭,其實都唔係太熱JA。
想睇野餐野上我地FB睇啦!
點解影黎影去都無人嘅?因為等緊你地自己去打卡影相同發掘野餐樂趣呀!
1. 由於天氣熱,帶足夠水同野食去,都係水最解渴。
2. 盡量唔好一個人去行。
3. 雖然而家7點太陽先落山,但5,6點就睇下自己係邊,預計回程時間。
4. 郊野地方昆蟲多,請自備防蚊物品。
5. 可以帶把萬同刀係身,開野食,斬草,開生果等等都好方便。
2016年7月9日 星期六
原來沙灘都可以野餐（黃金海岸）
夏日炎炎，好多人都會諗假期應該去沙灘游水，但係沙灘，一大班三五知己除左游水之外，又有無其他野玩呢？今日就去左黃金海岸沙灘野餐。
黃金海岸其實係新界西黎講都唔算太難去，可以坐車到屯門公路轉車站轉５２Ｘ或者６１Ｍ就會經過，又或者係屯門西鐵站搭Ｋ５１或Ｋ５３都會經過呢個站。
落左車之後黃金海岸有個商場，可以先行陣就去沙灘。出面有好多遊艇，雖然自己無錢買一部黎玩，但借黎影相都一樓。
行過右邊小路就有條通道通去沙灘，係沙灘選左個無咁晒嘅位就鋪野餐墊。
係沙灘上面食下野，飲下啤酒食下午茶原來都好舒服！
裝備小提示：預備防曬防蚊用具!
行程小提示：食物唔好放太出，以免有人跑過將沙吹落食物度！(買張2米正方形墊就大到可以訓起沙灘野餐啦!
野餐物品推薦:FB小小野餐
如有任何疑問可電郵:chiukit2001@gmail.com或ＰＭ我
訂閱：
文章 (Atom)