已經第三次去搭門了,前往方法就不再多說了,今次是跟一班未去過露營朋友一齊去,不過都唔算辛苦!
買齊晒野,上到塔門行左邊上大草地,一開營諗住點起都要半粒鐘,點知而家D淘寶營係連營柱一開就起好,落埋營釘都唔洗15分鐘,我真係太OUTDATE了,之後就當然落左去茶餐廳食地道菜。最好食好似係呢間新惠和:
叫左海膽炒飯,回鍋肉同蝦醬鮮由,其實都無咩特別,反而最鐘意飲佢樽咸檸茶:
之後返去營區開始玩原始野,風真係好大,都唔洗點跑就已經可放風箏上天。
其實呢日都有好多人同我地一樣黎消磨一個週末。
玩左陣就入黑,但由於岩岩先食完飯,都未肚餓,就係度玩飛行琪磨時間。
之後就開始懶人露營方法,就係拎埋個煲去打邊爐(其實拎得好辛苦)
食完就係營度玩左陣,其實呢個月咁大霧,我都預報左話無星星同日出睇到,要睇就等4,5月再開啦!係營度玩左陣就訓覺。
雖然呢幾日日頭好熱,但由於無庶擋,夜晚係離島都係有冬天大風感覺。不過第二朝住左通粉飲個茶包就暖番晒。
呢道D牛牛已經比人養到超級壞,唔好諗住係度野餐,唔係你一定會搞到失敗收場。牛牛一見到膠袋就狗衝。
第二朝繼續野人玩風箏。
最後,係咁易搵牛牛叫佢企定定俾我影下相就執野走。
執埋野行過去疊石個邊,見到有班行山友走左上疊石,(其實我心底都想去,不過朋友唔係屬於玩命型,廢事嚇親佢地,最後都無提出)
跟住行番碼頭就完成是次極HEA露營。
P.S.:請大家唔好亂掉垃圾,辛苦義工隊去幫你地執手尾。
如有任何疑問可電郵:chiukit2001@gmail.com或ＰＭ我
