繼大東山同港島都佈滿行山人士之後,唯有去D無咩人識地方去行山,今次係屋企附近行雞公嶺。起點係元朗其中一條村-逢吉鄉,係元朗西鐵站落車去G1出口落去等603小巴($6.4,~25分鐘一班),一落到去見到岩岩走左班車就放棄轉搭的士,其實都係30蚊,4-5條友一齊已經唔洗等小巴,係逢吉鄉藍球場落車。
一落車一直望左邊向上行。
行多十步就會見到左邊有條電纜,就係呢個位起點,見似路就行上去就得。
行多兩步就見到正確的道路上山。
今日個天其實都唔係幾清。
其實呢條路都係俾越野電單車同越野電車,不過離遠你就會睇見佢地,無咩特別。
我諗除左航泊,就係呢道先見到真正錦繡花園全境。
上左第一座山就見到發射塔。
今日已經係11月29號,但著短袖都仲係好熱,冬天越縮越短。
見到有塊天然石牆,成班友膽粗粗咩都唔理就爬左上去。(無經驗勿試,趺左落黎唔關我事!)
最後個個都爬到上去。
玩完又繼續上路。
沿途都有見到D奇石,中間舊石究竟係邊度黎?
另一邊望落元朗。
上到其中一個山頂,心諗邊個咁勁可以整爛支三角針?正常人想整爛都唔係咁易。
過埋第二支三角站(應該係雞公山頂,大概585米高,有好多人企左起度所以無影相)之後就開始落山,絕對無青山咁辛苦,難度分咁高可能因為落斜路段比較難。
落山時斜度比較大,唔適合新手。
呢排咁多人影草,其實草真係周圍都有。
都係沿住路落黎,見到呢個位出左去轉左就係車路。
再行2分鐘已經出到黎,轉左行3分鐘就係小巴總站,有小巴(57K$5.3)搭番去上水東鐵站。
今次都係行左約四個鐘,我都係第一次行,感覺無上網講到咁難。
不過有幾點想提下:
1. 全程完全零補給,所有野請在元朗準備好晒。
2. 落山斜度較大,帶行山杖變多隻腳會好好多(我支杖只係鴨記$30,但真係輕鬆好多)
3. 全程零遮陰,夏天行應該幾辛苦。
如有任何疑問可電郵:chiukit2001@gmail.com或ＰＭ我
