話說我半年都無放假,我就拎左兩日假,連埋星期六日一共有4日假,之後立刻訂機票酒店搵旅伴,
前前後後加埋都無一個星期,就出發去台灣,大家都知我比較鐘意郊外,最後選左商雄墾丁。去到
高雄落機,我朋友就係台北搭台鐵落高雄火車站,本黎諗住搭車去火車站搵佢,點知張高雄一卡通無錢(出發前我阿妹話有2夠水係度,我又一蚊台幣都無係身,唯有等佢過黎接濟)。
一去到火車站,我諗住搭巴士,但朋友話搭的士仲平(泥猛),坐左一粒鐘多d就到,安放好後就去小灣坐,見到個海即刻舒服晒。
夜晚就係墾丁大街隨便睇下食下,甘樣過就過左第一日。第二朝輕輕鬆鬆去左樓下食早餐
隨便叫一份多士,D料都多過香港好多,食完就去海生館參觀,得兩個人只好等墾丁街車,班次半粒鐘一班(點解半粒鐘?你一上車就知道,真係無人搭)
通常係你住個旅館度買定飛會平D,去到再換入場票。簡單黎講,係一個好大好大ge海洋館,可睇兩至三個鐘。
海生館望出去大海又係一個正VIEW。
睇完海洋生物,大概係中午時間,就搭番車去恆春,之後唔想再轉車,就行去景點-出火。
其實只係一個自然現象,係不滅ge火,落到去順路見到海角7號拍攝場地,不過要入去要收錢就有D反感,最後都係無入去,最後去埋恆春夜市就搭車返去,完成無PLANNING墾丁旅程。
第三日一起身寄埋明信片就離開墾丁,又搭泥猛去高雄。
今次坐7人車仲舒服過坐的士。
一放完行李出黎見到有班人召集要去當兵,其實香港真係好幸福。
放低行李就即刻去景點,今次去左了無人煙GE農場。
都係因有操你媽先入黎睇下。
入到去,真係O左嘴,草泥馬無野圍住,亦都好少管理員,D馬周圍跑都無理,動物D籠又好矮,一跳就跳到出黎,但係又無咩人投訴,其實係味香港人唔識自制搞到樣樣野都要管得好死先得?
呢兩隻狗狗企左起度成日都唔敢跳落去~~
呢度仲有一樣野正,就係靚景,對住個飛機跑道飲可樂,你試過未?
豬仔好衝動想上黎。
草泥馬自動波同我影相。
之後見呢頭仲有幾個唔洗錢入場GE農場,走入去睇下點知真係咩都無,甘又坤我行左半粒鐘。
夜晚就搭左去凱旋夜市食野,之後去左夢時代,最想睇都係商場頂摩天輪,不過因落雨就無人玩。
食完夜市仲唔夠,臨番酒店特登提前一個站落車去六合又掃過,D龍蝦真係大到有D假......
最尾一日,一起身去左西子灣,過左去打狗博物館,因要收錢又覺得無咩野睇所以只係係入場個度用10蚊玩左求籤機,點知度到支籤睇完勁開心,我FD就無甘好彩,所有野都係中中等等。
之後去左隔離旗津半島,一路睇地圖,睇見條街無人,行行下先知中伏,行左成粒鐘先到風車公園,原來係應該搭車黎.....
中間仲經過一個貝殼館,我應該係個度第一個訪客
去愛河期間經過GE香蕉碼頭,裡頭又真係有香蕉公仔賣。
行過馬路時,見到有間好似博物館物體,就入去睇下,真係好藝術。
估唔到係高雄都見到有習總。
睇黎大家都好憎某某。
最後剩番兩粒鐘就走佬,去到機場侯機室,原來除左台灣有HELLO KITTY侯機室,高雄都有史迪仔侯機室。
就甘樣無PLAN,HEA下HEA下去四日,如果一個地方你去過一兩次旅行,真係可試下唔好PLAN,只買機票酒店,去到先諗,會有另一番領會,真係感覺到休息。
全4日究竟用左幾多錢?
機票$1400
食,玩$1000
住(3晚加埋)$500(高雄間酒店係正火車站隔離都係100蚊一晚真係唔知點解甘平)
額外補貼:呢排高雄搭巴士全部市內免收錢,好多行程都係搭巴士
我覺得呢個BREAK真係洗得物超所值。
