世外桃園-芝麻灣半島

前幾日見到報紙有賣某一個地方有超荀盤而且地點又偏,於是又挑起條癮去睇下!

首先係要係東涌上車搭到貝澳先,去到沙灘KEEP住向左行,

沿海邊有條小徑寫住前往望東灣,行左大約一粒鐘之後到望東灣旅館之後再行一粒鐘,就會見到幾座別墅係前邊,順勢落山,當中似路又無路,又有好多蜘蛛,提起勇氣一野衝過去,就會到呢個無人之境-

澄碧邨

係沙灘爬上去就會見條路就可以參觀直接參觀呢個私人土地(擺到明硬闖)

呢個地方已經起碼30年,但依然係交通不便,只有去長洲船(只有住客先搭得),而且1粒鐘先有1班,連士多仔都無,應該係諗唔到有D咩係有,係得個沙灘,所以再平都好少人考慮入去住

最後都係唔想行番頭先D蜘蛛路而叫左船家係載我地返長洲.

如有任何查詢或好地方推薦我去玩，歡迎電郵：

chiukit2001@gmail.com

東涌單車遊(維修區路線)

琴日又係一個34度熱天天氣，但我竟然決定左去踩單車。

今日路線其實加起來大概只需３個鐘，但我地就每一個點都停好耐，所以都玩左半日。

一開始就去逸東租單車，半日＄７０，其實因為獨市都無得點講價（另外兩間單車鋪都差唔多）。

開始路線同去迪士尼係一樣，先經過東涌地鐵站再經過東涌北，轉入中國石化油站去白芒。

去到隧道口就落去小碼頭休息下（結果休息左一個半小時）

之後出發去維修區，其實都係沿Ｓ５２路線踩，一個小時就到，但曬到甩晒皮，唯有先去還車，再坐巴士返黎

最後送一張全景圖俾大家:

長洲半圈遊

公司包送長洲2日1夜，但集合時間係4點，我就緊係爭取時間早D入去行轉山。
大熱天時３３度，行一陣都成身水，唯有慢慢行。

沿張保仔洞方向一直行，但張保仔洞入過太多次，只係經過算數。

就到張保仔洞，就有個轉灣口：

我睇到呢個牌，解讀做（此路可以通往五行石）

條路要穿落呢個窿行，個牌應該改做（此路不適合身體較胖人士通過）

結果，政府覺得危險不能通過只係因為佢經左一個沙灘仔要爬上條路過去。

請愛護公物：

個景好舒服，但真係好熱呀！

友人情景照一張：

過完五行石，再番番上大路：

農曆７月份，經過墳場，你知我點都唔會驚，不過費事引起不安，墳場相就唔ＰＯＳＴ。

上到半山，會經過長洲好靚居屋。

因為太熱關係，最後無去到小長城，就衝左落觀音灣曬太陽等夠鐘算。

時新茶餐廳

話說返了工4個月,周邊的食肆都食過晒,今次就走遠D食漢堡

走了十五分鐘,去了一間很舊式的茶餐廳,大家都只會睇呢個餐牌:

我係貪心,所以叫個最貴雙層漢堡芝士蛋包:

一黎到,真係唔好同M記比,無得比:

佢呢個雙層真係高過雙層巴士,加埋塊蛋,真係用料十足,但都仲係唔夠飽,所以再諗叫D咩,炸薯條就$14,炸雞脾就$15,最後決定:

食左$35,雖然同食個飯價錢差唔多,但就滿足好多,食完無叫野飲就跑番公司拎野飲,偶然食下都唔錯,中午時間都唔係多人,可能真係離商業區好遠!