馬鞍山係人都知係邊,但真係上馬鞍山頂的話,其實真係唔算普通線,今日又比人抽左去玩!
首先係恆安村或耀安村落車(城隧轉40X,耀安邨落)。落左車之後向後行就有隧道係公路下低穿過去接番馬鞍山村路,上斜一直行到馬鞍山燒烤場。
其實呢段路係可以飛,因為都要晒45分鐘上斜,同埋係有村巴NR84(係馬鞍山站或耀安可上車,只係因為我遲到追唔到)
見到燒烤場轉左就見到大大條家樂徑。
沿徑上至涼亭。
有告示牌叫你係左邊上去。
左邊一直都睇到馬鞍山景色。
行多陣就見到吊手岩指示牌話你知你行岩。
放正位拍,係90度跳上去,其實對於高登仔黎講絕對唔難。
呢邊應該係烏溪沙。
上到其中一個崖位。
呢條路一直都會有指示牌叫你小心D。
其實爬黎爬去都幾好玩。
附上懶人蠅一條。
之後就係爆林段
個天其實想點?12月都咁鬼熱。
上到山GE風景!
呢道其實天氣唔好或者大霧都真係幾易出事,所以天氣唔好都唔好拎命博。
過完馬鞍山從另一邊落番黎,會駁番麥徑!
駁番麥徑是旦走啦,其實落水浪窩定西貢都係差唔多兩粒鐘,所以無咩所謂。
我選擇左落水浪窩
落到山岩岩好天黑!
是日行程
其實一落山就已經變左郊遊,所以都係上山最辛苦!
如有任何疑問可電郵:chiukit2001@gmail.com或PM我